வழக்கு எண் : 18/9 !!

பல படங்கள் வருது.. அதுல சில படங்கள் ஹிட் ஆகுது.. சில படங்கள் அடையாளமே தெரியாம போகுது.. ரொம்ப சில படங்கள் தான் தரமான படம்-னு பேரு வாங்குது.. அந்த மாறி ரொம்ப நாளுக்கு அப்பறம் வந்த ஒரு தரமான படம் தான் வழக்கு எண் 18/9..

இது ஒரு படம் அப்படின்றத தாண்டி இது ஒரு அனுபவம்.. நம்ப நியூஸ்பேப்பர்-ல அடிக்கடி பாத்து கண்டுக்காம விட்டு போன துண்டு செய்திகள்-ல  ஒண்ணு தான் இந்த படம்.. சமுதாயத்துல நடக்கறத வெளிச்சம் போட்டு காட்டி இருக்காரு பாலாஜி சக்திவேல்.. இந்த படத்தோட முழு வெற்றியும்  அவரோடது தான்..

ஏற்கனவே காதல் படம் மூலமா நம்ம மனச கனக்க வச்ச அவரு, இந்த படம் மூலமா நம்ம இதயத்துல இதமா ஒரு பூகம்பத்த வர வச்சி இருக்காரு.. 'என்னது?? இது இவங்க முதல் படமா??' அப்படின்னு கேக்கற அளவுக்கு இந்த படத்துல நடிச்சவங்க எல்லாரும் செம்மையா நடிச்சி இருக்காங்க..

ஜோதி-னு ஒரு பொண்ணு மூஞ்சில யாரோ ஆசிட் ஊத்திடுறாங்க.. ஹாஸ்பிட்டல்ல அவள சேக்கறாங்க.. போலீஸ் விசாரணைய தொடங்குது.. யாரு குற்றவாளி?? எதுக்கு பண்ணாங்க?? அவங்களுக்கு தண்டனை கெடச்சுதா?? இதான் படத்தோட கதை.. வேலு, ஜோதி மற்றும் தினேஷ், ஆர்த்தி இவங்கள சுத்தி பூக்குது திரைக்கதை..

படத்தின் முதல் பாதி-ல கொஞ்சம் மெதுவாவே ஊர்ந்து போகும் இந்த படம் ரெண்டாவது பாதி கொஞ்சநேரம் வரைக்கும் அப்படி தான் போகுது.. அதுக்கு அப்பறம் நம்மள முழுசா இந்த படம் அபகரிச்சிக்கும்..

இந்த படத்துக்காக ரொம்ப கஷ்ட பட்டு உழைச்சி இருக்காங்க-னு ரொம்ப தெளிவா தெரியுது.. ஆர்த்தி கதாபாத்திரத்துல வர மனிஷா அழகா நடிப்ப வெளிப்படுத்தி இருக்காங்க.. பணக்கார வீட்டு பொறுக்கியா வர்ற தினேஷ்(மிதுன்) சின்ன சின்ன முகபாவங்கள்-ல நம்ம கவர்கிறார்.. வேலு(ஸ்ரீ) அப்பறம் அவனோட நண்பனா வர சின்ன பையன் துளி கூட பிசகாம வாழ்ந்து இருக்காங்க.. ஜோதியா நடிச்ச ஊர்மிளா(புனே பிலிம் இன்ஸ்ட்டியூட் மாணவி) பார்வைலையே பல வசனம் பேசி இருக்காங்க.. அப்பறம் இன்ஸ்பெக்டர்-ஆ நடிச்சவரு, ரோசி அக்கா, இட்லி கட வச்சிருக்கவரு, ஜோதியோட அம்மா, ஆர்த்தியோட அம்மா அப்பா எல்லாருமே சிறந்த நடிப்ப வெளிப்படுத்தி இருக்காங்க..

படம் முடியும் போது சொல்ல முடியாத ஒரு சோகம் நம்ம நெஞ்ச பொளந்து நம்ம கண்கல ஈரமாக்கும்..

பல விருதுகளையும் பாராட்டுகளையும் குவிக்க போகும் இந்த படம் வசூல்-ல சாதன படைக்குமா-னா அது கேள்விக்குறி தான்.. ஓடாத தரமான படம் நெறைய வந்து இருக்கு.. அந்த வரிசை-ல இந்த படமும் ஒண்ணு..

வழக்கு எண் 18/9 - தமிழ் சினிமாவின் ஒரு மைல் கல்..